3rd Division East Jaiñtia: Jop ka Khliehriat East, Teilang wa Moonongtdu

Ka 3^rd Division 2024 ka East Jaiñtia Hills District Football Association da pteiñ ya ka ynne ka sngi kawa man leh ka sngi wa 13 deiwa pynman le tylli ki yalehke.

Ha ka yalehke wa nyngkong, ka Khliehriat East YWSC da jop ko da 5-0 ya ka Umlawang SSC da ki kool wa thap u Silvester Shylla ha ka minit wa 11 wa 17, u Ijuhpaia Sympli ha ka minit wa 56 wa u Dilung Swer ha ka minit wa 57 wa 64.

Ha ka yalehke wa ar, ka Teilang SSC Lummyrli da jop ko da 1-0 ya ka Umrasong SCC daka kool wa thap u Markus Syngkor ha ka minit wa 56.

Ha ka yalehke wa le, ka Seng Khynroo SSC Umsatai da rem ko da 1-3 ya ka Moonongtdu SC heiwa ya ka Umsatai da thap da u Sakhiat Bareh ha ka minit wa 5 katwa ya ka Moonongtdu SC da thap da u Mephaski Lamurong ha ka minit wa 7 wa 61 wa u Lamphrang Rasmut ha ka minit wa 20.