3rd Division EJHDFA: Jop ka Lummyrli, Mutong waka Umrasong

Ka 3^rd Division ka East Jaiñtia Hills District Football Association (EJHDFA) da pteiñ biang ya ka ynne da le tylli ki yalehke.

Ha ka yalehke wa nyngkong, ka TSC Lummyrli da jop ko yaka Lumshnong Youth SC da 3-1.

ADVERTISEMENT

Ya ki kool ka Lummyrli da thap da u Firstson Pohlong uwa da yoh Hat-Trick deiwa thap ha ka minit wa 28, 51 wa 76 katwa ya ka Lumshnong da thap da u Daeimitre Ladong haka minit wa 69.

Ha ka yalehke wa ar ka Mutong Youth SC da jop ko yaka Kwator Senglang SC da 3-1.

Ya ka Mutong da thap kool da u Hamkle Dkhar haka minit wa 14, u Fourman Shylla (OG) haka minit wa 44 wa u Josling Dkhar haka minit wa 72 katwa ya ka Kwator da thap kool da u Heptarcy Rupsi haka minit wa 2.

Ha ka yalehke wa le hapyrdi ka Evergreen Lad Wahwapung waka Umrasong da kut ko da 2-0 cha ka Evergreen Umrasong SC tangwa neidaw wa kini da em ki du ki ar liang hapoh ka Pool N wei da jop ki mar chisien wei da yoh ki leh wow thap mar 3 kool chiliang, kamtæ da pynman da ka yachut Tie-Breaker heiwa ka Umrasong da jop ko da 5-4.

Ya ki kool ka Evergreen Lad Wahwapung da thap da u Erick Paslein haka minit wa 16 wa u Dr. Sanky Shangpung ha ka minit wa 59 uwa man leh kam u Chairman ka JHADC.

Related posts

Jop ka Amlanai wa ka Pdengshakap ha ka 1st Division, ka Amshipai wa ka Sankhat ha ka 2nd Division ka ASSA

October 21, 2026

Jop ka Lakadong Umlatdoh yow yoh laad ka Rymbai Iawpynsing u psiah Quarter ha ka 1st Division ka EJHDFA

October 21, 2026

Da ini i jop, ka TSC Lummyrli, ka Mutong SC waka Umrasong SC da yoh ki wow psiah cha ka 2^nd Round kani ka 3^rd Division.

Ki yalehke u pteiñ ki ha ka 21 tarik hapyrdi ka Pynthorsale SC waka Umsatai SC heipor 10:00 waje i step, ka Musniang Rim SC waka R. Madanpynriang SC heipor 12:00 waje i sngi wei daw pynkut da ka Shymplong SC waka Iapmala Wahshnong SC heipor 2:00 waje i sngi.