Shillong: 46 ngut kiwa yalehke Kickboxing na Shillong, Jaiñtia Hills, West Khasi Hills wa na Ri Bhoi District wa kynthup ya ki Referee wa kiwa mihkhmat ya ka jylla hapoh ka lama ka Meghalaya State Kickboxing Association (MSKA) ynne ka sngi da mih ki wow lai chimbynta ha ka WAKO India Federation Cup 2017-18 of Cadets, Juniors & Seniors Kickboxing Tournament ka wow pynman ha Talkatora Indoor Stadium, New Delhi nadooh 16 haddoh ka 20 tarik uni u bnai.
Daw chimbynta leh u International Kickboxer wa em ya ka World No. 5 Ranking u Hameshaniah Suiam, u Asian Gold Medalist ha ka Musical Form Hard Styles u Pynnehbor Mylliemngap, International Referee & Judges ha ka Kickboxing ka Lambhadaka Patlong waka Enifer Nongkynrih.
Ynnin u snem ka jylla Meghalaya da yoh ko 8 tylli ki takma ksiar, 2 tylli ki takma rupa wa 5 tylli ki takma tama ha WAKO India Kickboxing Championship 2017 wa pynman ha Raipur Chattisgarh ha u Naikhynde.
Na ki 46 kiwa lai chimbynta 16 ngut toh kiwa na West Jaiñtia Hills District.
Discussion about this post