Shillong: U Montri ka tnat C&RD u Sniawbhalang Dhar da ong u wa waroh ki Community and Rural Development Block em ki 46 tylli ha ka jylla wei ym em Block Development Officer (BDO) ki kiwa da thung pura tangwa da phah pait ya ki ha kiwi ki sahep sorkar.
Hawa jubab yeiwa kylli u MLA ka Rambrai-Jyrngam, u Kimfa S Marbaniang ha yung dorbar ynne ka sngi, u montri da ong u wa ha 44 tylli kiwa da pait chipor toh da ki sahep sorkar kiwa man kam ki MCS katwa ar tylli da pait da kiwi ki sahep na ka tnat Agriculture wa Horticulture.
Chwa ini, neiliang u MLA ka Rambrai da ong u wa ka sorkar toh u thung noh ko da ki BDO kiwa pura ha waroh ki Block khnang wow ye ki u pyllait por wow pait kam ki BDO neibhah i wym em ki BDO wa pura da ktah ko yei krehkaam ki Block khamtam wow pynkrehkaam ya ki kaam pynroi cha ki thaw nongkyndong wei kamjooh ya ki paidbah wa emkaam ha kani ka yungkrehkaam ka sorkar.
Discussion about this post