Hadien iwa jia ynne i step ha pchem ka yung krehkaam u DC ka West Garo Hills ha Tura heiwa da em ki kyrtong wa chah dat heipor wa mut ki wow thap pyrtuid yow yaleh Election MDC cha ka GHADC.
Wei heiyatoh wa ini wa jia da pyntikna da u DC wa u SP ka West Garo Hills wei ye i wow ktah ya ka chongsuk deiwa pynpoor ki khubor pynchit ha ki rynsan Social Media.
Kamtæ neiliang u F.R. Kharkongor uwa man kam u Principal Secretary ka sorkar Meghalaya da pynmih hukum u hapoh ka aiñ Indian Telegrah Act, 1885 wa ka aiñ Temporary Suspension of Telecom Services (Public Emergency or Public Safety) Rules, 2017 yow khang ya ka Mobile Internet 48 kynta hapoh waroh kawi ka West Garo Hills District.
Ini i khang Internet u sdang i nadooh wa sdang ka 10 tarik uni u bnai wei u man ko neibynta ka Mobile Internet Data Services yong waroh ki Mobile Service Providers.
Discussion about this post