Ynne ka sngi da pynman ya ar tylli ki yalehke kam chibynta yong ka lympung 4th T20 Cricket Knock-Out Tournament wa pynlai da ka Sports Social and Cultural Club, Ummulong, West Jaiñtia Hills.
Ha ka yalehke wa nyngkong, ka Moodymmai CC da jop ko ya ka Red Devils United CC da 110 Run heiwa ya ka kylla-khlem da jop da ka Moodymmai CC wei da jied ko wow Bat nyngkong wei da ye ko u kamai 229/8 na ki 20 Over, uwa kamai Run boon dooh toh u Tennyson Lytan (70 Run) wa u Afford Laloo (46 Run) katwa neiliang kiwa kawang bol ka Red Devils United CC, u Nehlang Pariat da yoh u 3 Wicket.
Hawa kdong yaka thong, ka Red Devils United CC da poi ko du 109 Run deiwa haap lut ki Wicket waroh, heiwa uwa kamai Run boon dooh toh u Pynkhreh Lamare uwa da yoh u 27 Run, katwa na kiwa kawang bol ka Moodymmai CC, u Kyntu Slong wa u Da O Passah da yoh ki mar 3 Wicket.
Yei naam Man of the Match ha kani ka yalehke toh u Tennyson Lytan.
Ha ka yalehke wa ar, ka Goodwill CC da jop ko ya ka Pitch Invader da 74 Run heiwa ya ka kylla-khlem da jop da ka Goodwill CC wei da jied ko wow Bat nyngkong heiwa da ye ko u kamai 214/4 na ki 20 Over, uwa kamai Run boon dooh toh u Byforcestar Dhar (51 Run) wei na kiwa kawang bol ka Pitch Invader CC, u Ebor Papang da yoh u 2 Wicket.
Hawa kdong ya ka thong, ka Pitch Invader CC da poi ko du 140 Run deiwa haap lut ki Wicket ko waroh na ki 19.5 Over, heiwa uwa kamai Run boon dooh toh u Sanctification Papang uwa da yoh u 45 Run, katwa na kiwa kawang bol ka Goodwill CC u Oniwanker Sna da yoh u 3 Wicket, katwa u Byforcestar Dhar wa u Carefully Gassah da yoh ki mar 2 Wicket.
Yei naam Man of the Match ha kani ka yalehke toh u Byforcestar Dhar.
Ka yalehke ha ka sngi Monday (19-01-2026) u man ko hapyrdi ka Eastern Warriors CC pyrchah ya ka Wahiajer CC heipor 9:00 waje i step, ka yalehke wa ar won hapyrdi ka Eastside Inn CC wa ka Nartiang CC heipor 12:30 i chiteiñ sngi.
Discussion about this post