Ki kyrtong ka 4-Mowkiaw Constituency kiwa em 5 ngut wa kynthup ya u Nujorki Sungoh na ka UDP, u Nehemayah Tyngkan na ka Congress, u Currentis Rabon na ka BJP, u Lasting Suchiang na ka AITC wa u Habahun Dkhar na ka NPP ynne da wan ki wow embynta ha ka Scrutiny namo ka sylli ya ki kot ki sla yong kiwa da e ki hawa wan u thap pyrtuid kawa da pyndep wei kawa da kut ha ka 7 tarik uni u bnai.
Ha kani ka sylli ya ki kot ki sla da chem wa waroh jait toh iwa biang wei da ye ki wow lai chakhmat yow yakhun ya ka Election MLA 2023.
Kam wow pynkynmoo wa ha u 2018 ka yaleh da man ko kawa ya thaiñ bha heiwa u Nujorki Sungoh da jop u da 260 Vote donhi deiwa yoh 6691 Vote ya u kyrtong ka NPP u Gilbert Sten uwa yoh 6431 Vote wei da yoh wa le u Nehemayah Tyngkan katwa u MLA heitu i por, u Robinus Syngkon da yoh u hei wa soo, wa san u EC Boniface Bamon wa ynru u Heipormi Laloo, u kyrtong ka PDF.
Waroh kiwa thap Vote ka 4-Mowkaiaw (ST) da em ki 38,563 ngut heiwa 19,007 ngut toh ki chynrang wa 19,556 ngut ki kynthai.
