Ka World Championships of Performing Arts (WCOPA) 2026 dapoi noh ko cha wakut ha Las Vegas, USA kawa man ka rynsan yakob ki khynroo wa em yei sap i tap hei rwai, i chaad, i tem i put wa kiwi de kiwa da wan na kylleiñ ka pyrthai.
Na ki dkot ka Team India, da yoh u psiah Final du u Kitkupar Nongsiej uwa na Meghalaya heiwa ym em yoh u yei naam Grand Champion Performer of the World, tangwa da man kam uwi na ki khloor wa tyrchaaiñ ka India deiwa jop le tylli ki Gold Medal wa ar tylli ki Bronze Medals, wei da yoh u leh ya ka First Place Scholarship Award.
U Kitkupar uwa man kam uwa rwai da yoh yaroh u na kiwa bichaar yei sap rwai u wei ha ki jait rwai wa chimbynta u da yoh u ar tylli ki Gold Medal wa ar tylli ki Bronze Medal pyrchah ya kiwi kiwa wan na palat 70 tylli ki ri.
Da yoh u leh kawi ka Gold Medal deiwa man kam uwi na ki Top Five Vocalist ha ka yakob wa boon bha kiwa chimbynta yow rah yei naam Vocalist of the World Championship, wei da ini da tipmit ya oo kam uwi na kiwa rwai chyrkhei bha hapoh pyrthai.
Ka First Place Scholarship man ko kam chibynta wow yarap ya oo wow yoh ki laad ki luti hadooh ki chah sikai ha ki jait kaam Performing Arts.
Discussion about this post