U Chief Minister ka jylla, u Conrad K. Sangma ynne da saam u ya ki Sanction Letter hapoh ka Chief Minister’s Special Development Fund (CMSDF) ha ka yalang wa pynman ha yung sah u ha Shillong.
Kini ki e yarap toh cha ki dorbar chnong, ki thaw puræ, ki seiñ yalehke Sports wa kiwi de ki seiñ wa em ha ki chnong ki thaw yow pynkhlan pynchkeh yei rukom krehkaam ki hapoh ka jylla.
Kiwa yoh myntoi toh ka Synjuk Rangbah Shnong Dorbar Raid Mathan, ka Chibak Agalgittim Sports & Cultural Club, ka Laitnongrim Upper Primary School, ka Church of God (M&A), Sohryngkham, ka Rangthong Cultural Club and Sports Association, ka Reach Shillong Ministries, ka Mizo Women Welfare Society, ka Umpling Presbyterian Secondary School, ka St. Anthony’s Higher Secondary School wa kiwi de deilang ki dorbar chnong na kiwa boon ki District.
Ini i e yarap toh nadooh wow chna yung skur (School Buildings and Additional Classrooms), ki Community Hall, ki Multipurpose Halls, ki Office Buildings neibynta ki dorbar chnong, ki paikhana neibynta ki skur, ki paikhana neibynta ki thaw paidbah, ki Basketball Court, ki thaw sait that, ki thaw dih um, ki Ambulance, ka poisa thied tiar Sports, ki kot ki sla wa kiwi de neibynta ka puræ puthi wa kiwi de kiwa emkaam.
U Conrad hawa e yei klam da ong u wa ka CMSDF pteiñ ko wow chakri wei u man kam kawa emkaam bha yow pyndap yeiwa kwah ki chnong ki thaw wei da sdang ka leh yow pynsmat yei e yarap khlem da pynslem yow pynbha pynmiat yei rukom im kiwa chong chnong.
Da ong u leh wa i yarap u man ko deiwa salonsar deiwa saam cha waroh ki District wei da kyntu u ya kiwa yoh myntoi wow pynemkaam hok ya iwa da yoh yarap ki.
Neiliang kiwa yoh yarap da pynsñiaw ki yei sñiawngooh yeini wa da e yarap ka sorkar yow pynku nadooh ka puræ puthi hadooh ki kaam yalehke wa i pynbiang yeiwa emkaam ki paidbah.
Discussion about this post