Jowai: U Kyrtong ka NPP na Jowai Central, u Teiborlang Hing ynne ka sngi hadien wa dep sylli ya ki kot ki sla namo ka Scrutiny da pynbna paidbah u wa chiteiñ na ka tulop yong oo manda man MDC u daw e u ya ka cha ki paidbah.
Hawa yaklam wa kiwa pathai khubor hadien ka Scrutiny, u Teiborlang Hing da ong u wa kam u kyrtong na sor (Urban) da yoo da chynna yei eh i khoo wa iwa emkaam tam hapoh ka Constituency lada chah jied u kam u MDC, 50% na ka tulop yong oo u e u ya ka cha ki paidbah.
Da pynrap u deiwa ong wa na kani ka 50%, 20 % u e u neibynta ki khynroo khyllood namo ka Youth Development heiwa daw chna ya ki Counselling Centre, wa kiwi kiwi, 20 % toh wow pynkhooid ya ka Iawmusiang wei 10% won neibynta ki wa dooh wa duk.
Ha waroh katkam wa da pynthymme (Amendment) ya ka tulop ki MDC kawa T.1.10 Lak chi bnai, katwa kamtæ na kani T. 55,000 chi bnai u e neibynta ki paidbah ha ka chi bnai iwa man kamwa T. 33 Lak ha ki san snem.
Discussion about this post