U CEM warim ka JHADC, u Madonbai Rymbai hawa e yei klam yalap Election ya u kyrtong ka TMC, u Andrew Shullai na Jowai Constituency kawa da pynman ha pchem yung u Andrew hi ynne ka sngi, da paan maap u na ki paidbah neidaw wa ha ka Election 2018 da bakla luti u deiwa lai u cha katu ka Company ka wym hoi kawa Fail lut ha ki kaam ki jaam waroh.
Da ong u leh wa ka Party man ko du kam ka Uniform donhi neibhah wot da u kyrtong samen leh dang tipmit ki bru ya ka chap u tangwa ka TMC toh kawa da rim kawa da synchaar la 15 tylli ki snem ha West Bengal.
Da kyntu u ya kiwa kyrchaan wow kreh chitom yow pynjop deiwa pyntam da 2000 tam ki Vote ya u Andrew Shullai uwa man u bru wa oo leh da chaniah bha u nadooh i por wa man MDC lang.
Da ong u wa kiwa synchaar katni da poi ka High Level chadooh ka yadaw masi heiwa ha ki Fete wa ki yadaw masi leh da em neibynta ki High Level wa ki Low Level.
Da kob u leh wa ha u MLA 2018, 4000 tylli ki Vote iwa man 50% kiwa da pynyoh da oo yow pynjop ya u Wailadmiki Shylla.
“Lada ki sanpun u Ma Madon, utæ u diah u waheh chnong da lai u ha katu ka luti kamtæ ym yoh de ya ka Vote wa pura na Khliehtrychi, nga ym ar tatien O wa ka Vote wa tam u Wailad ya u Andrew ha chnong Mukhla lane ha Raij Muklha, daw su da ka Khliehtrychi wow pyntam,” da ong u Madonbai.
Kamtæ da ong u wa u kba wa rep da oo, da ah da u Sniawbhalang Dhar wa u Wailadmiki Shylla wei da saam ki cha ki paidbah manda choh miej ka Election Commssion wei ki Cheque wa saam ki leh cha ki bru manda lai pait ha ki Bank Account da ka Zero Balance.
