U Symbood Montri Rangbah ka sorkar jylla, u Sniawbhalang Dhar ynne ka sngi da e sñiawbha u 50 tylli ki Laptop cha kiwa sikai ka Kiang Nangbah Government College, Jowai kamwa da dep kular u ya ki ini wadep.
Wei kini ki Laptop ong u toh kiwa da thied u na ka tulop yong oo hi ymtoh na kawon kawon ka Scheme da i thmu wow kyntu kynrong yei puræ puthi ya kiwa sikai wa ki khynroo khyllood puræ puthi katkam wa yah ka juk ka por.
Ha ka yalang tbian wa da pynman ha Auditorium ka College, u Sniawbhalang ong u hapoh chi snem yong u 2026 angnood u wow pynkylla dur ya kani ka College nadooh wow pynku yei thaw lehke Sport, u pynbha pynmiat ya ka Auditorium Hall wa kawi de khnang wa kani ka College u man ko kawi na ka college wa em Discipline ym ka thaw wow yohlaad ki bru u leh pynsih.
Wei kam uwa mihkhmat ong u em u i angnood wa chisien ka sngi ka KNGC u man ko kawi na ka College wa miat tam hapoh ka jylla Meghalaya.
Chooh chooh ong u dang em chiboon wow leh tangwa ymtoh won iwa suk u leh chisien leh katwa hap u paitlang leh ya kiwa boon ki skur ki College, khamtam ki skur LP wa UP kiwa man ka chlem wa sdang saiñdur yei puræ puthi.
Discussion about this post