Kamwa 250 ngut ki Rohingya wa ki nong Bangladesh da yap ki hadien wa kylla ka jhaad khian wa chong ki ha Andaman Sea, da ong ki chnat ka United Nations ha ka 14 tarik uni u bnai.
Kani ka jhaad khian da kit ko ya palat 250 ngut ki chynrang wa kynthai kamjooh wa ki khynnah deiwa mih na Teknaf ha Bangladesh cha Malaysia.
“Ini i jia man iwa sñiawsih neibhah wa da boon ki mynsien wa yap nei yut chnong ki nong Rohingya,” da ong ka United Nations High Commissioner for Refugees wa ka International Organization for Migration.
Ki Rohingya Muslim toh ki khian paaid na Myanmar wei boonsien yut ki cha Malaysia, Indonesia wa Thailand ha ki jhaad khian wow lait na ki ktem ki bru sahwiar wa khynñia ha Bangladesh.
Nadooh u 2017 ki chipai ka Myanmar da sdang ki ya ka thma poh-ri iwa da pynbor ya ki 730,000 ngut ki Rohingya wow yut ki cha Bangladesh wow lait nei chah tynyap.
Discussion about this post