15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Advertisement ad1

59 ngut kiwa dang yoh COVID-19 wa kynthup ya 5 ngut ki Nurse ha Shillong

Advertisement ad1

U montri i chait i khiah ka jylla u AL Hek da pyntip u wa hadooh ynne i sngi ka 24 tarik, kiwa dang yoh COVID-19 ha Meghalaya da em ki 59 ngut wa 13 ngut kiwa dang chait.

Na kiwa dang yoh, 55 ngut toh kiwa na East Khasi Hills kiwa em 46 ngut ki bru paidbah wa 9 ngut ki bru chipai wa 4 ngut na Ri Bhoi kiwa kynthup ya 2 ngut ki bru paidbah wa 2 ngut ki bru chipai.

Kiwa chait ynne ka sngi toh 9 ngut na East Khasi Hills, East Jaiñtia Hills 2 ngut, 1 na West Jaiñtia Hills wa 1 West Khasi Hills.

Na ki bru paidbah kiwa dang yoh thymme ha East Khasi Hills toh 29 ngut ki High Risk Contact, 1 Low Risk Contact namo kiwa yajan wa kiwa yoh, 1 wa thiah kjut ha Nazareth Hospital, 2 ngut na Motphran, 3 ngut na Anjalee, 2 ngut na Police Bazaar, 1 bru samen, 1 wa yabi, 1 wa liwan wa 5 ngut ki Staff Nurse ka Nazareth Hospital.

Ha Ri Bhoi 1 toh High Risk katwa 1 won ym pu tip neiwon yabi.

Kiwa dang em ya u COVID-19 ha ki District man ki kamni ha wah:

East Khasi Hills-769

West Khasi Hills-43

South West Khasi Hills-1

Ri Bhoi-98

West Jaiñtia Hills-2

East Jaiñtia Hills-12

West Garo Hills-223

South West Garo Hills-4

South Garo Hills-12

East Garo Hills-3

North Garo Hills-12

Waroh kiwa dang em ya uni u khñiang da poi ki 1170 ngut, kiwa chait 789 ngut wa 8 ngut kiwa yap iwa da poi 1967 ngut kiwa da dep yoh COVID-19 ha Meghalaya.

Ki nongmuna (Sample) kiwa da dep phah Test da em ki 75,239 tylli, kiwa ym em chah ktah namo kiwa man Negative da em ki 72,824 tylli wa 439 tylli kiwa dang yang Result.

Kiwa psiah chapoh ka jylla da em ki 30,470 ngut.

Share this:
Previous

Da wai lut ki dukan ha Iawmusiang, maham u DC ya kiwa tyngkheiñ kyndon

Next

Tkoh i rukom krehkaam ka SBI Ranikor Branch hap yang ki paidbah da ki kynta: KSU