15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1

Da wai lut ki dukan ha Iawmusiang, maham u DC ya kiwa tyngkheiñ kyndon

Ynne ka sngi hadien da ki bnai, da chah biang wow wai lut ya waroh ki dukan chisien wai kiwa em ha Iawmusiang, Jowai.

Da sakhi leh wa kiwa boon ki dukan da man kiwa wai deiwa yaleh u bood ya ki kyndon wa da booh ka sorkar kam wow pynjngai ya ki bru, wow booh ya ki dawai sait-kti wa kiwi kiwi.

Hawa yaklam wa u DC ka West Jaiñtia Hills District, u Garod LNS Dykes da ong u wa i daw wa da chah ya ki dukan wow wai ki waroh nadooh ynne ka sngi toh katkam ka hukum ka sorkar jylla heiwa da chah wow wai du ya ki Stand Alone Shop deiwa booh ki leh ya ki kyndon ka sorkar wow pynyajngai ya ki paidbah, wa kiwi kiwi.

Heijooh i por da ong u wa ya ki sngi yaw (Weekly Market) hapoh ka District hi waroh kawi daw chah u wai ki dukan katkam ka Odd-Even namo kamwa wai ha kini ki tayaw wa dadep.

Da pyntip u leh wa hawa chong yalang wa ki Market COVID Management Committee da rai wow pyntikna ki wa bood ki dukan ya ki kyndon sorkar, da pyntip u leh wa ki sahep sorkar daw lai sylli ki dei langær ha ki yaw wow pait wa pynkrehkaam ya ki kyndon ka sorkar. 

Chooh  chooh da pyntip u wa lada chem wa ym bood ki ya ki kyndon sorkar, daw haap phah khang noh ya ki chipor neibhah i kamai ki bru leh man iwa emkaam kamjooh leh i chait i khiah ki paidbah neibhah emkaam u yada ya ki.

Advertisement ad1
Share this:
Previous

Da pynlait ya u khoo uwa ym emkaam su ha East Jaiñtia Hills

Next

59 ngut kiwa dang yoh COVID-19 wa kynthup ya 5 ngut ki Nurse ha Shillong