Ha ka 13 tarik uni u bnai, ki chipai ka BSF Meghalaya da yoh ki wow khang laad wei wow pynlait ya 64 tylli ki masi wa kynthup ya ki mooid nei chah chalan tooh ki cha Bangladesh lyngba ka West Jaiñtia Hills District.
Yeini da ye wow leh da ki 4th Battalion ka BSF kiwa pynman yei lai uiñ sonteri ya u pood wei da chem ki ya kini ki 64 tylli ki masi kiwa da murieh hapoh iwi i khloo wa em hajan khappood.
Ya kini ki masi da e kti cha ki pulit yow leh ki yeiwa emkaam.
Ha iwi won i jia ha ka jooh hi ka sngi, ki BSF da yoh ki wow kem 12,000 Kg i chini wa kit ha ki le tylli ki kari Bolero Pickup kiwa da thmu wow chalan cha Bangladesh lyngba u pood waka East Khasi Hills.
Ki BSF da pyntip ki wa nadooh wa sdang uni u snem da yoh wow kem ya palat 800 tylli ki masi wa 2310 Ton i chini.
Discussion about this post