U DHS (MI) ka jylla u Dr. A. War hawa yaklam wa ki laad pathai khubor ynne ka janmiet ka 9 tarik da pyntip u wa kiwa dang yoh COVID-19 hapoh ka jylla hadooh 1 waje i sngi da em ki 39 ngut katwa kiwa chait da em ki 67 ngut.
Na kini kiwa dang yoh thymme, 18 ngut toh kiwa na East Khasi Hills kiwa 2 ngut na ki chnat chipai wa 16 ngut ki bru paidbah. Ha Ri Bhoi 20 ngut, 7 ngut na ki chnat chipai wa 13 ngut ki bru paidbah wa 1 ha East Jaiñtia Hills.
Na ki bru paidbah kiwa dang yoh thymme ha East Khasi Hills, 6 ngut toh kiwa yabi na NEIGRIHMS, 6 ngut kiwa liwan na baar jylla, 1 toh uwa yah kari Tourist Taxi, 3 ngut kiwa yabi na uwa yoh COVID-19 ha Mawpat.
Ha Ri Bhoi uwi toh u wakreh kam u Operator hapoh ka CMJ Breweries, Byrnihat wa 12 ngut won kiwa yabi na uni u Operator. Ha East Jaiñtia Hills won toh wa man kam High Risk Contact yong uwa chitom ha Robert Hospital, Shillong.
Na kiwa dang chait, ha East Khasi Hills da me 52 (51-BSF wa 1 bru paidbah), Ri Bhoi (2) wa East Jaiñtia Hills (13).
Kiwa dang em ya uni u khñiang ha ki District kam ki kamni ha wah:
East Khasi Hills- 419 (BSF-91, ki bru paidbah 260, kiwi ki chnat chipai 68)
West Khasi Hills-6
South West Khasi Hills-0
Ri Bhoi-83
West Jaiñtia Hills-15
East Jaiñtia Hills-6
West Garo Hills-31
South West Garo Hills-2
South Garo Hills-2
East Garo Hills-0
North Garo Hills-2
Kiwa dang em ya uni u khñiang da em ki 566 ngut, kiwa chiat da em ki 490 ngut, kiwa yap 6 ngut iwa da poi waroh 1062 ngut kiwa da dep yoh COVID-19 ha Meghalaya.