15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Chirup wa 7 tylli ki Rot ki Rong phooh ka Behdieñkhlam ka Raij Ialong

Advertisement ad1
Advertisement ad1
Advertisement ad1
Advertisement ad1

Jowai: Ynne ka sngi, ka Raij Ialong da pyndep ko ya ka lehniam Behdieñkhlam yong ka hapyrdi i bood ya ki kyndon ka sorkar heiyatoh waka khlam COVID-19 deiwa chimbynta du da ki kattu katni ki khon ka Raij kiwa da chah jied wow embynta ha Aitnar.

Ya kani ka lehniam ka Raij da sdang nadooh ka 1 tarik uni u bnai heiwa da pyndep ya kiwa boon ki lehniam kam ka Kñia wa kiwi kiwi.

Ynne ka sngi Muchai kawa man ka sngi wow pynkut ya kani ka lehniam, heipor step da pyndep ya ki lehniam da u Langdoh, ki Wasan wa kiwa embynta ha ki kaam niam ka Raij.  

Ha Aitnar ha uni u snem da wanrah hadooh 7 tylli ki Rot ki Rong kiwa khian kiwa da chna kyrpang da ki Dong ki Chnong hapoh ka Raij (wa kytnthup iwi na Seiñraij Wahiajer) neibynta kani ka sngi wei kiwa ye u rah leh du da ki kattu ngut donhi neidaw wa ym chah wow em boon ngut kiwa chimbynta ha kani ka Lehniam ha Aitnar ha uni u snem.

Ha kini ki Rong da dro leh ya ki dur u khñiang khlam COVID-19 wei kammon wow yaleh wow yada na kani ka khlam.

Hadien wa da pynhiar ya ki rong ha Aitnar da em i ‘E Klong E Skoo’ wa i e ngooh e dem ya ki Blai khamtam wow paan yei yada naka khlam ka dait kam ha ini i por.

Hanlada duna kiwa chimbynta ha kani ka lehniam ynne ka sngi, chirup wa ki Rong da pynchongchit chooh chooh ya ka da i choh ya ki bom chirup wa i put ya ki bhuri ki bikur.

Manda dep noh ya ki Rong, da pyndep ya ka Taan Bhang wei ka Tyngkheiñ Bhang iwa mut wow pyn-eh nasib ya ki khon ka Raij waroh kawi wei da pyndep won ya i yaslait hapyrdi ki ar ngut ki khon ka Raij.

Hadien wa da dep waroh ki bynta ka Behdieñkhlam na Aitnar ki waheh wasan da pyndep won ki ya ka Kñia Duwan ka Kñia Wah Bhang ha Khlooblai, Ialong.

Ynne ka sngi, da wan sakhi ya kani ka Behdieñkhlam da u MLA ka Jowai Constituency, u Wailadmiki Shylla, u Dolloi ka Elaka Jowai wa kiwi kiwi. 

Share this:
Previous

67 ngut kiwa chait hapoh Meghalaya ynne ka sngi, waroh da em 490

Next

Pynkha chnat krehkaam wa thymme ka RJYF ha chnong Chyrmang