7 lak sah ram ka JMB ha ki dong kiwa lai kit jhep ko

Jowai : Ka Jowai Municipal Board (JMB) kattæ em ko ha i dooh poisa wa joor hadooh wa nadooh u Nai Ynniaw yong u snem 2015 ym pu em yoh ko u su tulop ya ki wa kreh yong ka.

Kamwow pynkynmoo ha u snem wa da dep ki wa kreh ha ka JMB da sangeh ki u kreh ha u Naisaphra neidaw wa dooh tulop ki. Hadien ini i sangeh kreh ka JMB da yoh ko T. 58 lak tyngka (kam ka grant) ka wa da su lut cha kiwa kreh yong u Duyatra hadooh Naiynru 2015. Katwa nadooh u Nai Ynniaw hadooh katni won da dooh tulop biang ki.

Hei yaklam wa u ma S.C. Laloo, CEO, JMB da khana u wa ya ka tulop kiwa kreh nadooh ka 13th Finance Commission ym em kynthup (include) ya ka, kamtæ ka JMB da chem chitom bha ko u pynmih poisa.

Da ong chooh chooh wa boon ki dong wa kit jhep ka JMB ym em u su ki ya ka bai kit iwa du chi T. 30 chi yung. Kamtæ da sah ka poisa hadooh T. 7 Lak na ki dong wa ym em wa dep u su.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Ya ki bos wa ki kari khian wa pyllai da JMB leh ym yoh poisa u su bai petrol neibhah ym ye bor ki u pynmih poisa u su tang ya kiwa kreh leh.

Ka ram ka JMB cha ki petrol pump da kynjoh ko cha ka T. 36 Lak.

Da em leh ki kyndon wa ka JMB toh u ye ko u pynmih poisa deibor yong ka hi tangwa neidaw wa ym krehlang ki paidbah da chem chitom ki u pynmih poisa.