Ka Tuberkmai Shnong Combined Water Supply Scheme kawa man neibynta ar chnong, kitæ ka Tuberkmai Chnong wa ka Tuber Chohchrieh da wan wow wai paidbah ka haka 24 tarik uni u bnai da u MLA ka Khliehriat, u Kyrmen Shylla deiwa emlang ka Santa Mary Sylla kawa man ka MLA ka Sutnga-Saipung, u Deputy CEM ka JHADC, u Lasky Rymbai wa kiwi kiwi de.
Ya ka poisa wow sdang yei kreh da pynlait ha u snem 2023 hapoh ka Jal Jeev Mission.
Waroh ki yung wa yoh myntoi na kani ka saam umkor da em 740 tylli heiwa 501 tylli toh kiwa em hapoh ka Tuberkmai Chnong wa 239 tylli won hapoh ka chnong Tuber Chohchrieh.
I thaw wa taan ya kani ka um toh kawa tip kam ka Umchongiang.
Ya ka rukom taan umkor wei pynpoi umkor da chna ka ha ki ar bynta namo ki Stage heiwa ha ka 1st Stage da chna ya ka Raw Water Pumping katwa ka 2nd Stage toh ka Treatment Plant, Slow Sand Filtration Plant neitæ ka Clear Water Pumping Station kawa man ka thaw phah umkor cha kini ki ar tylli ki chnong.
Da pyntip leh wa waroh ki thaw kiwa da tih da khloh hadien wa dep u kreh da pynchna pynmiat biang ki yow man ki kiwa yoosuk kamwa jooh man ki wei yei thaw wa chna wa man da u loom da e sñiawbha da uwa chong chnong.
Chooh chooh da ong wa deiwa ya em i krehlang ye bait wow pyndep deiwa e nongmuna ya kani ka chnong.
Discussion about this post