U DHS(MI) ka jylla u Dr. Aman War da pyntip u wa hadooh ynne i sngi ka 2 tarik, kiwa dang yoh COVID-19 ha Meghalaya da em ki 77 ngut katwa kiwa dang chait da em 83 ngut wei da em leh sa uwi uwa yap.
Uwa yap toh uwa yoh COVID-19 uwa tip pyrtuid kam u Gil Bahadur Biswa (72 snem) uwa na Nongmensong uwa da poi ha NEIGRIHMS heipor 1 waje i step wei da khlaad u ynne i step heipor 8:45 wei uni toh uwa chitom joor leh naka Chronic Obstructive Airways Disease iwa pynchitom yei ye wow riñ mynsien.
Na kiwa dang yoh thymme, ha East Khasi Hills da em 41 ngut (paidbah-40, chipai-1), West Garo Hills 6 ngut, East Garo Hills 2, Ri Bhoi 16 (paidbah-14, chipai-2), South Garo Hills-3, East Jaiñtia Hills 9.
Na kiwa dang chait, ha East Khasi Hills da em 68 ngut (paidbah-59, chipai-9), Ri Bhoi 5 ngut, West Garo Hills 6 ngut, East Jaiñtia Hills 4 ngut.
Kiwa dang yoh thymme ha East Khasi Hills toh 28 ngut ki High Risk Contact, 1 chipai, 1 wa chitom naka ILI wa lai pynyoo cha ki Hospital, 2 kiwa chitom SARI (Severe Acute Respiratory Infections), 2 ngut ki Staff Nurse ka Ganesh Das Hospital wa 1 wakreh Grade IV, 3 ngut ki Security Guard ka IIM Shillong wa 2 ngut kiwa liwan na baar jylla.
Kiwa dang yoh ha South Garo Hills toh 2 ngut ki High Risk Contact wa 1 wa liwan. Ha East Garo Hills toh 2 ngut ki High Risk Contact. Ha Ri Bhoi District toh 14 ngut ki High Risk Contact wa 2 ngut ki chipai. Ha West Garo Hills ki 6 ngut toh ki High Risk Contact katwa ha East Jaiñtia Hills won toh 9 ngut kiwa liwan na baar jylla.
Kiwa dang em COVID-19 ha ki District man ki kamni ha wah:
East Khasi Hills: 813 (paidbah-612, chipai 201)
West Khasi Hills: 45
South West Khasi Hills: 0
Ri Bhoi: 71 (paidbah-63, chipai-8)
West Jaiñtia Hills: 2
East Jaiñtia Hills: 23
West Garo Hills: 118 (paidbah-40, chipai 78)
South West Garo Hills: 3
South Garo Hills: 19 (paidbah-8, chipai-11)
East Garo Hills: 83
North Garo Hills: 9
Waroh kiwa dang em ya uni u khñiang da em ki 1186 ngut, kiwa chait 1318 ngut wa 13 ngut kiwa yap.
Ki nongmuan (Samples) kiwa da phah Test da em 92453 tylli, kiwa man Negative lane kiwa ym em chah ktah toh 89162 tylli wei dang yang yaka Result ki kamwa 774 tylli.
Kiwa liwan chapoh ka jylla da em ki 32994 ngut.