15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Ym chon Calendar de ka sorkar, u pynmih noh da ki Digital Calendar

Advertisement ad1

Neidaw wa ka pyrthai katni da lai ko cha ka juk Digital Age heiwa da pynemkaam ya i stat ka juk wa katni iwa ka sorkar pyrdi leh da pdiang ko wow pynemkaam ha ki kaam wa leh ko neibynta i bha i miat.

Kamtæ ka sorkar pyrdi da rai wa ym chon de ya ki Wall Calendar, ki Desktop Calendar, ki Diary wa kiwi kam kini ki jait ha u snem wow wan da kiwon kiwon ki Ministry/Department/PSU/PSB wa waroh ki bynta ka sarok.

Waroh kini ki jait kaam kattu u wan ki du hei dur Digital wa Online.

Ka sorkar da ong ko wa deiwa pynemkaam ya i stat Technology yow booh tarik, u booh por ya iwa emkaam, ini daw pynduna ko yei lutsan ka sorkar.

Kamtæ neini chakhmat waroh ki Calendar, Diary, Schedulers wa kiwi kiwa da jooh chon, u pynmih noh Digitally. U dam leh u chon ya ki Coffee Table Books heiwa da pynchlur noh u pynmih da ki E-Books.

Waroh ki Ministry/Department/PSU/PSB wa waroh kiwi ki bynta ka sorkar toh u thooh laad thooh buit ki yow pynemkaam ya kini daka laad Digital lane Online yow kylliang noh ya ki Calendar, ki Diary kiwa jooh myllien wow chon dei chon.

Share this:
Previous

Khang ka sorkar India ya ka PUBG wa ki 118 tylli ki Mobile Application

Next

77 ngut kiwa yoh, 83 ngut kiwa chait wa uwi wa dang yap na u COVID-19 ha Meghalaya