Ki ar ngut kiwa yahkhmat yong ka Federation of Khasi Jaintia and Garo People (FKJGP) da chah khut hajir ki ha ki pulit ynnin ka sngi wei da hap ki wow chong hadooh 8 kynta ha Sadar Police Station.
Kini ki ar ngut kiwa yahkhmat kiwa da chah khut hajir kynthup ki ya u Vice President ka FKJGP, u Kitboklang Nongphlang wa u Organising Secretary, u Khrawkupar Nongsiej hawa yatoh wa i chah dat wei chah pynsih ki kari paidbah haka 28 tarik u Naichiphaw kawa man ka sngi wa pynman Rally da ka FKJGP hajrong i dooh kreh.
Katkam i khana u Khrawkupar Nongsiej wa i pynslem ha katai ka khut hajir toh nei hap yang ya ki pulit kiwa takit. Da khana u wa i khut hajir toh hajrong ki Case hapoh ka Laitumkhrah Police Station wa da pynngat leh hadooh 6 tylli ki kyndon pyrchah ya kiwa yahkhmat ka seiñ.
Da khana u wa hadien wa da dep wow takit da u Investigating Officer hajrong ka Case yong ka Laitumkhrah PS da pynyang won sa u DSP (Crime) wei ini da pynslem neibhah wa uni u DSP da e daw u wa dang emkaam chawi. Uwa yahkhmat ka FKJGP da ong wa ini i rukom leh yong ki pulit da pynchrai ko leh ya ki hawa lai wow hajir heipor.