Ynne ka sngi da pynman ka NPP ya ka yalang pynskem ya kiwa kitkaam ka NPP Nartiang Block Committee ha Iaw Pynsiñ, Wahiajer heiwa da wan ki heh ka sorkar kiwa kyntup ya u MLA ka Nartiang uwa man leh u Montri ka sorkar, u Sniawbhalang Dhar deilang wa kiwi de ki MLA wa MDC.
Hadien ka yalang hawa yaklam wa kiwa pathai khubor, neiliang u Sniawbhalang da ong u wa ki kaam wa dang sahteiñ wa angnood u wow kreh neini chaphrang toh ya ka Iaw Pynsiñ heiwa kwah u wow wanrah noh da ka Multiplex ha kani ka thaw kawa man ka kaam wa dang sahteiñ.
Hawa kylli won wa lada dang em kiwi won ki kaam wa sahteiñ, u Sniawbhalang da ong u wa kani ka yaaw toh kawa nyngkong wei ki sarok 95% toh kiwa dadep, kiwa da pynyabi ya ki 72 chnong ka Constituency.
Chooh chooh da ong u wa ki yung krehkaam ka sorkar leh man kiwa emkaam khnang wow pynyajan ya i chakri cha ki paidbah wei hadien u 2023 dang boon i wow ye u leh.
