Ka DC ka East Khasi Hills da pyntip ko wa da em boon ki dong hapoh Shillong kiwa da chim yukheiñ yow tip hadooh katwon ngut kiwa da yoh tika nadooh kiwa em 18 snem chaneiñ wa kiwa em 45 snem chaneiñ.
Ya ini da leh deiwa pait ki Incident Commander, EM ki Medical Officers, ki ASHA, CCMT wa ki Volunteer.
Ha ini i chim yukheiñ da em ar tylli ki dong kiwa da em kiwa boon dooh kiwa da yoh tika kitæ toh:
Ka Nongrim Hills kawa na ki 3675 ngut kiwa em hok wow yoh tika, da em 80% kiwa da yoh tika katwa 14.73% won ym bien ki wow chim tika wa 6.51% kitu kiwa ong wa em chitom ki, kiwa dang chait na u COVID-19 wa kiwi kiwi de ki daw.
Ka R. R. Colony kawa em 2750 ngut kiwa ye wow chim yei tika khlem da kheiñ ya kitu kiwa dang chait, kiwa punkhon wa kiwi kiwi, da em waroh 99.7% kiwa da dep yow COVID-19 wa 4 ngut won kiwa ym bien wow chim tika.
Ya kitu ki wym bien u chim yei tika, da chim yutip yei daw wym bien ki wei daw pynman ya i pynsñiawthooh deiwa ya krehlang wa ki Doctor yow pyndooh yei artatien.
Kamwa man kattæ, ka Nongrim Hills em ko 5 ngut kiwa dang chah ktah katwa ka R R Colony won 1. Ym em leh wa yap ha Nongrim Hills nadooh ka 26-05-21 hadien wa em uwi uwa 65 snem uwa yap, katwa ha R.R. Colony ym em de wa yap nadooh ka 12-06-21 hadien wa em kawa 82 snem ka kynthai kawa yap.
