Lada chah dait næ chah jliah ha u ksaw wa em Rabies daw poor i cha u bru heiwa ini i kjut ktah i yei jabieñ wa ya u budloom u bru wei ym ye de u pynchiat heiwa kiwa chah ktah da yap bait ki 100% i por.
I chah dait ksaw da ku i man-u-snem deiwa jia 5302 sien ha u 2022 iwa da ku cha 9611 sien ha u 2023. Ha East Khasi Hills District ini da ku i da 50% na 2512 sien ha u 2022 wa 5085 sien ha u 2023, wei palat 80% toh kiwa jia ha ki thaw wa man sor.
Hanla i Rabies toh iwa pynyap 100% tangwa 100% toh iwa ye u yada lada chah dait ha u ksaw, chah jliah, chah chroh deiwa sait smat dei sabon haka um wa kai kamwa 15 minit wei deiwa lai cha ki thaw sumaar wa em chajan yow chim yaka tika Prophylaxis Vaccine.
Ya u ksaw wa suba, ymtoh wow pynyap tangwa toh u kset 10 sngi wei wow pyntip cha ki bor sorkar wa pait yeini.
Heiyatoh wa ini, da pynman ya ki Rabies cum Free Mass Rabies Vaccination neibynta ki ksaw ha kiwa boon ki dong ka sor Shillong iwa da leh 6 sngi nadooh ka 11 tarik uni u bnai da ka District Joint Steering Committee on Rabies Elimination ka East Khasi Hills deiwa ya krehlang waka District Administration, Health Department, Veterinary Department, Shillong Municipal Board, ka HUFAN, ki Dorbar Chnong heiwa da ye wow e dawai tika (Anti Rabies Vaccination) ya 70% ki ksaw wa em ha kini ki thaw wa kynthup ya kiwa em tre wa ki wym em tre kiwa da em 631 tylli ha kini ki 6 sngi.
Ki bru kiwa em chajan wa ki mrad ki wym tip lada toh kiwa da yoh tika bha u chim ki ya ka Pre-Exposure Prophylaxis Vaccine yow yada lada chah dait.
Discussion about this post