U Montri ka Assam, u Rupesh Goala da pyntip u ha Dorbar Chna Aiñ ka jylla ynnin wa em hadooh 80 ngut ki bru wa chah siat yap ha ki pulit nadooh u 2021, heiwa da pynman ya ka Magisterial Inquiry ha ki 78 tylli ki Case.
Yeini da jubab u yeiwa kylli u MLA na Sivasagar, u Akhil Gogoi ha ka sngi khaddooh ka Dorbar Tlang ka Assam Legislative Assembly, heiwa da pyntip u wa 39 ngut da yap ki ha Police Custody katwa 41 ngut won chwa wow yah ya ki cha Court.
Chooh chooh da pyntip u wa 31 ngut wa yap ha u 2021, 18 ngut ha u 2022, 13 ngut ha u 2023, 10 ngut ha u 2024 wei 8 ngut hadooh ka 19 tarik uni u bnai.
Da em leh 223 ngut kiwa da mynsoo hei yasiat næ chah siat ha ki pulit ha ki soo snem chiteiñ wei na kini 67 ngut wa mynsoo ha u 2021, 79 ngut ha u 2022, 35 ngut ha u 2023, 35 ngut ha u 2024 wei 7 ngut ha uni u snem.
U Goala da pyntip u leh wa da em 180 tylli ki Magisterial Inquiry hapoh ka Section 174 ka CrPC wei 194 tylli ki takit hapoh ka Section 194(1) ka Bharatiya Nagarik Suraksha Sanhita (BNSS).
Heijoor i por da pyntip u wa yei takit da leh katkam ki kyndon ka NHRC heiwa ya ka Report hap e hapoh 48 kynta.
Discussion about this post