15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

89,129 ngut kiwa dang yoh COVID-19 ha India, ku kiwa chah ktah 9 chah ha ki ar bnai ha Maharashtra

Advertisement ad1

Kiwa dang yoh COVID-19 ha India ha kini ki 24 kynta da em ki 89,129 ngut (ynnin 81,466 ngut), kiwa dang chait da em ki 44,202 ngut, kiwa dang yap 714 ngut iwa mut wa kiwa dang em ya uni u khñiang da ku ki da 44,213 ngut.

81% na kiwa dang yoh toh kiwa em ha ki 8 tylli ki jylla kiwa boon dooh ha Maharashtra 47,913 ngut, Karnataka 4,991 ngut, Chhattisgarh 4,174 ngut, Delhi 3,594 ngut, Tamil Nadu 3,290 ngut, Uttar Pradesh 2,953 ngut, Punjab 2,873 ngut wa ha Madhya Pradesh 2,777 ngut.

Nadooh ka 3 tarik u Thohlakhmi (Feb) hadooh 3 tarik uni u bnai, kiwa dang chah ktah ha u COVID-19 ha Maharashtra da ku da 9 chah naka 42,830 ngut cha ka 3,91,203 ngut, ha Karnataka 6 chah naka 5,943 ngut cha ka 34,238 ngut, ha Chhattisgarh 8 chah naka 4,173 ngut cha ka 31,858 ngut katwa ha Punjab da ku 12 chah naka 2,122 ngut cha ka 25,458 ngut.

Ka Maharashtra da em ko leh 59.36% na waroh kiwa dang chah ktah, pynbood saka Karnataka 5.02%, Chhattisgarh 4.83%, Kerala 4.05%, Punjab 3.86% katwa ki 22.70% toh kiwa em ha kiwi ki jylla.

Waroh kiwa da chait da em ki 93.36% kiwa em 1,15,69,241 ngut, kiwa dang em ya uni u khñiang da em ki 5.32% kiwa em 6,58,909 ngut, kiwa yap 1.32% kiwa em 1,64,110 ngut, deilang dapoi 1,23,92,260 ngut kiwa da dep yoh ya uni u khñiang.

I e dawai yada na u COVID-19 da dep wow e la 7,30,54,295 sien deiwa pynman la 11,53,614 sien i e dawai hadooh ynne i step 7 waje. I e dawai man i kamni- 89,32,642 ngut ki HCW (1st dose), 52,96,666 HCWs (2nd dose), 95,71,610 ngut ki FLWs (1st dose) wa 39,92,094 FLWs (2nd Dose). Da e leh 4,45,77,337 ngut (1st Dose) wa 6,83,946 (2nd dose) ya kitu kiwa em 45 snem chaneiñ.

Share this:
Previous

Phooh phieñ ka Chaad Sukra ka Seiñ Raij Mukhla

Next

Sdang ka sorkar pyrdi ya ki artylli ki yakob neibynta ki jaitbru ri-loom