U montri rangbah ka jylla, u Narendra Modi ynne da pynlait u ya ka bhah wa 8 yong i e yarap poisa iwa T. 2,06,67,75,66,000 cha ki 9,50,67,601 ngut ki warep hapoh ka Pradhan Mantri Kisan Samman Nidhi (PM-KISAN) lyngba ka Video Conferencing heiwa da yaklam u leh wa ki warep ka ri.
Hawa yaklam hajrong ka Pradhan Mantri Kisan Samman Nidhi (PM-KISAN) da yaroh u ya u Arvind na Unnao, Uttar Pradesh wa esikai u ya ki warep, ya u Patrick na Car Nicobar, Andaman & Nicobar Islands, u N Vennurama na Anantapur, Andhra Pradesh wa yarap ya ki 170 ngut, u Revistar na Meghalaya wa pynmih ya u chyrmit na Meghalaya, u Khurshid Ahmed na Srinagar, Jammu & Kashmir wa kiwi kiwi.
Ha kani ka sngi u montri ka chnat Agriculture & Farmers Welfare ka sorkar pyrdi, u Narendra Singh Tomar da ong u wa ki kaam u Modi da yarap i wow pynmiat ya i rukom im ki warep.
Da e khublei u leh ya u Modi uwa kyruiñ cha ki chnong, kiwa dooh wa ki warep deiwa thap T. 20,000 klur cha ki Bank Account ki 9.5 klur ngut hapoh kani ka Scheme.
Hapoh jylla Mehalaya da em 8,967 ngut ki warep kiwa da yoh yarap na kani ka Scheme heiwa ka poisa waroh wa da phah cha ki da kynjoh ko T. 1.8 klur tam.
Ki warep ki jylla wa da yoh myntoi man ki kamni ha wah:
