Jowai: Ka Janitia National Council (JNC) wa ka Hynniewtrep Achik National Movement (HANM)-JHU, ha ka yalang wa pynman ha ka 3 tarik ha ophis krehkaam yong ka EJNC, ki nongyalam ki ar seiñ da rai ki da iwi i sur yow pynman yalang paidbah ha ka chnong Wapungskur East Jaiñtia Hills District, ha kani ka 9 tarik heipor 11 waje i step.
I thmu kani ka yalang paidbah toh yow paan yei kyrchaan na waroh ki paidbah khamtam ki nongchong chnong ka Wapungskur yow pynkhlan yei yakhih yow pynmih paidbah ya ka kaiphod hei yatoh wei chah siat yap ki arngut ha ka 24 Naikhynde 14.
Da ong wa ka Black Flag March ka wa da pynman ki arseiñ ha Shillong ym em man ko kawa jop neidaw wa duna wa chimbynta ki paidbah.
Ki ar seiñ da khut ko ya waroh ki paidbah, ki seiñbhalang, ki MLA, MDC yow chimkhia ki yei thmu ka sorkar u pynwiar, pynmylliñ ya ki paidbah ya iwa jia ha kattu ka sngi.
Discussion about this post