U Montri Rangbah ka jylla, u Conrad Sangma heiyatoh wa i sah ka tulop kiwa sikai SSA da ong u wa ini i kaam toh iwa man kamni da slem deiwa ong wa ym em mut wa ini i kaam ym toh iwa emkaam wei tip hi u yei chem chitom kiwa sikai deiwa pynche wa 90% ka tulop wa e cha kiwa sikai SSA toh kawa wan naka sorkar pyrdi katwa kawa sah ka 10% toh kawa e da ka sorkar jylla.
Kamtæ da ong u wa lada ym poi ka poisa na ka sorkar pyrdi, ym ye wow pynlait ya ka tulop kiwa sikai SSA wei ini i jooh da jia i da boon boon snem neibhah wa ka sorkar pyrdi da pynlait ko ya ka tulop chisien 3 bnai, chisien 5 bnai, chisien 6 bnai wei da em leh i por hadooh chisien 8 bnai wei ka tulop da man ko kawa boon bha i wym ye ka sorkar jylla wow sai napoh ka kata yong ka hi khamtam hadien wa ka dan Petrol ka jylla toh iwa duna tam hapoh ka ri.
Tangwa da kular u wa da emlang ka sorkar wow leh katwa ye i bor yow pyntikna wa ka sorkar India u pynlait ko ya ka tulop heipor wa biang.
Da khana u leh wa kattæ, u Additional Chief Secretary Education ka jylla da em u ha Delhi yow ya krehlang waka sorkar India yow pynlait ya ka tulop kiwa sikai SSA deiwa pynkynmoo biang wa ini ym toh iwa dang jia katni wei da jia i man ka 3 bnai, 4 bnai, 6 bnai deiwa kular biang wow leh katwa ye yow pynbait smat ya ini i kaam.
