Ka jylla Manipur da yoh biang ko sa ka wi wa yoh COVID-19 hadien kawi ka kynthai wa 19 snem kawa na Imphal West District da Test Positive ko ya uni u khñiang iwa pynpoi ya waroh kiwa da yoh cha ka 60 ngut hapoh ka jylla, da pyntip ka chnat i chait i ka Manipur ynne ka sngi.
Ya kani kawa dang yoh COVID-19 da Test ha VRDL ka Regional Institute of Medical Sciences (RIMS), Imphal, da pyntip u Dr. Khoirom Sasheekumar Mangang deiwa pyntip leh wa kani kawa dang yoh toh kawa liwan na Gujarat.
Da pyntip u leh wa kani toh kawa na Kanglatongbi, Imphal West wei da booh yaka hapoh ka COVID Care Facility ka RIMS wei man ko kawa khlan.
Ynnin da em leh ki arngut, ka bei waka khon kiwa na Kamjong District kiwa chah sumaar ha RIMS da yoh ki wow mih Hospital hadien wa da Test yaki arsien wei da chem ym em de ki ya u COVID-19. Daw hap ki leh wow leh sa yaka Home Quarantine wa 14 sngi.
Kam wow pynkynmoo wa ynnin da em 4 ngut kiwa da pynbna wa yoh COVID-19 kiwa waroh ki chynrang.
Wa kini waroh kiwa da chhah ktah ha u COVID-19 da em ki 60 ngut heiwa kiwa dang em ya uni u khñiang da em ki 53 ngut katwa kiwa chait da em ki 7 ngut.
Discussion about this post