Shillong: Ynne ka sngi u montri ka chnat i chait i khiah ka jylla, u Alexander Laloo Hek da pyntip u wa ki nongmuna (Sample) wa da phah pait bniah (Test) hadooh ynne ka sngi da em ki 11,475 tylli, na kini kiwa ym em u chah ktah namo kiwa man Negative em ki 11,009 tylli katwa kiwa dang yang ya ka Report em ki 430 tylli.
Da ong u leh wa kiwa dang em ya u khñiang COVID-9 ha ka jylla em ki 22 ngut.
Da pyntip u leh wa kiwa dang em ya u khñiang namo ki Active Case kynthup ki ha Jowai 1, Tura 4 ngut, ha Ampati 4 ngut, North Garo Hills 1 wa ha East Khasi Hills 12 ngut.
Chooh chooh da pyntip u wa ya kini kiwa dang em ya u khñiang, ka chnat i chait i khiah daw chim biang ko ya ki nongmuna wow phah pait bniah biang ha kini ki sngi wow wan.
