Shillong: U Montri uwa pait ya ki kaam pynroi ha khappood uwa pait leh ya ki kaam pohyung ka jylla, u Lahkmen Rymbui u da ong u wa i yachem hapyrdi ki montri rangbah ka Assam wa Meghalaya da sahteiñ noh ko neidaw wa em ka khlam u COVID-19.
Da ong u leh wa ka sorkar hapoh i yahkhmat u Conrad K Sangma kam u montri rangbah da pynlut ko da ki spah klur wow kyntu kynrong ya ki chnong ha khappood.
Hawa yaklam wa kiwa pathai khubor, u Rymbui da pyntip u wa neiliang u montri rangbah da toh u yachem u wa ya montri rangbah ka Assam ha kini ki bnai wa dadep hadien ka Assembly, tangwa neidaw ka khlam COVID-19 da hap sangeh noh, deiwa pynrap leh wa ha kini ki bnai wow wan daw em i yaklam han lym pu ye u pynbait ya u pood tangwa i yaklam toh wow pynneh yei burom mar kylliang ya ka ‘Status Quo’ khnang wa ki paidbah ha khappood u chngaaiñ ki ryngkat wei myntoi.
Da ong u leh wa ka sorkar hapoh i yahkhkat u Conrad Sangma da mang ko wow pynlut da ki spah kulr neibynta ki chnong khappood wei lada u montri rangbah yakreh u neibynta ini daw ye u pynduna yei eh i khoo ha khappood khamtam ki thaw wa kajia, ki paidbah ha khappood leh u chngaaiñ ki.
