Wai u montri ka chnat Agriculture ya ka Lay-By Market ha Diengpasoh

Shillong: U Montri wa pait ya ka chnat Agriculture, u Banteidor Lyngdoh, ynne ka sngi da wai u ya ka Lay-By Market ha ka chnong Diengpasoh kawa em harood u sarok Shillong By-Pass. Wei ya kani ka Lay-By Market da chna hei lut T. 71. 43 lak.

Kiwi kiwa da emlang kynthup ki ya u MLA ka Mawryngkneng, u David Pyngrope, u MDC ka Sohryngkham, u Pynïaid Sing Syiem, ka Director ka chnat Horticulture, ka S. Nongbet, u Director ka chnat Agricuture, u B. Syiem, u BDO ka Mawryngkneng C&RD Block, u R. Wahlang, u Luis Mukhim, Sordar, kiwa yahkhmat chnong wa kiwi de.

Hawa klam haka yalang, u Montri da ong u wa kani ka yaw dai mar rep wa kiwi ki jait mar daw man ko kam ka laad wow kyntu ya ki warep ha kani ka thaaiñ. Da e khublei u ya ki sahep ka chnat kiwa da ya kreh chitom wow pynbiang ya iwa emkaam ki warep wa kiwa khayi mar rep ha i por wa em ka Lockdown.

“Kamwa man kattæ, ka Ïewduh man ko kawa dang khang wei man ko iwa eh ya ki warep wow lai dai ya ki mar yong ki, tangwa deiwa em ki Lay-By Market daw yarap ko ya ki”, da ong u deiwa pyntip wa ka chnat Agriculture da wai ko boon tylli ki Lay-By Market wow kyntu ya ki warep.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

“I emkaam ya i ya krehlang ha kiwon kiwon ki bynta wow kyntu ya ka yoh ka kot ka roi ka paar ha ka imlang. Kamtæ ka chnong Diengpasoh man ko kawa embhah wow yoh ya kani ka yaw ka wow man i myntoi wei ka laad wow kyntu leh ya ka yoh ka kot kiwa chong chnong”, da ong u.

Neiliang ka chnong ha kani ka sngi da e ko leh yaka dorkhat ha u Montri lyngba u Deputy Sordar ka chnong Diengpasoh, u Seibor Sana heiwa da kyrpaad ya oo wow kyruiñ khmat lang ya i eh iwa ki warep ka thaaiñ Diengpasoh wa ki chnong wa marjan da yachem ki.