Shillong: U Symbood Montri Rangbah ka jylla, u Prestone Tynsong ynne ka sngi da kyntu joor u ya ki paidbah wow man kiwa syndong, khamtam wow mih na ki yung ki sem lada ym toh i kaam wa emkaam namo kiwa ym hoi u dam neibhah wa i long i man kattæ hapoh ka jylla ym em chngaaiñ ko na ka khlam COVID-19.
Ini i kyntu yong ka sorkar man ko hawa bichaar yei ku smat kiwa yoh ya u khñiang COVID-19 hapoh ka jylla du ha kini ki kajiak sngi wa da dep. U Tynsong da ong u wa ki paidbah ym toh u tieñ ki neibhah ka sorkar daw chim ko yaki bynta wow yada yaka jylla na i poor uni u khñiang, tangwa da pynrap u wa ki paidbah toh ki wow em i kitkhlieh wow yada ya idæ wei kamjooh ya kiwi na ki maa yong ka khlam.
Hawa kylli, u Montri da ong u wa ka sorkar da bichaar bniah bha ko ya ini i ku syndet kiwa yoh ya u COVID-19, deiwa bynrap leh wa ka sorkar daw pait ko yei long i man ka jylla ha kini ki kajiak sngi wow wan, wei lada emkam ye kow wow pynbna biang yaka Lockdown ha ki kattu katni ki thaw, wot ha ka jylla waroh kawi khnang wow yada nei poor smat u khñiang COVID-19.
