U montri rangbahdooh ka ri u Narendra Modi hawa e ya ki ktien wai phang haka Higher Education Conclave, da ong u wa ka National Education Policy toh kawa da mynjur hadien 3-4 snem i pyrkhat sani bha deiwa sñiaw leh ya ki lak tylli ki buit wa da tyrwa wei kani ka National Education Policy i thmu yong ka toh yow pynkhreh yaka mynried ki khynroo khyllood ka ri deiwa booh leh yei thong ka ri.
U Modi da ong u wa ka kaam puræ puthi hapoh ka ri da neh ko kamjooh bait da boon snem iwa da wanrah ya waroh waroh wow pyrchang du wow man Doctor, Engineer lane Lawyer heiwa ym em pait yei sap, iyi wa ka-it kiwa lai puræ wei kiyi ki jait puræ wa ye u wow yoh kreh.
Da ong u leh wa ka kaam puræ puthi toh u lai ko chakhmat katkam i por heiwa kani ka rukom puræ wa thymme kawa 5 + 3 + 3 + 4 toh kam chibynta wow lai chakhmat.
Da pteiñ u deiwa ong wa kani ka Education Policy wa thymme toh yow pynchlur wow pyrkhat, yow tip u kylli, yow yatai, yow ya phyllu wei wow chimbynta hapoh ki kamra e sikai.
U Modi da pynchlur u ya kiwa lai puræ wow bood yeiwa thrang ki neibhah da jia wa em ki por manda thooh kreh da chem wa iwa da dep puræ ki ym man i iwa biang yow yoh kreh wei em leh kiwa ieh yei puræ khlem pyndep kamtæ ha kani Education Policy wa thymme da booh leh boon ki laad puræ wow jied, kamjooh ki laad wow kylla cha kiwi lada emkaam hanla dang em hapyrdi ka lai puræ.
