Ka sorkar jylla da mynjur ko ynne ka sngi wow pyndap ya ki 13 tylli ki kaam wa lait hapoh ka Social Welfare Department kiwa man i kreh kam ki Child Development Project Officer (CDPO) wei ini i thung toh hadien wa ym ye ka MPSC wow pynman ya ki Exam, wei neidaw wa jhan wow pyndap ya kini ki kreh da leh noh ya ini wei i su man ko T. 30,000 chi bnai.
Uwa e ktien ka sorkar jylla u James Sangma da ong u wa ha u snem 2018 ka Social Welfare Department da thoh ko cha ka MPSC yeiwa da lait kaam, wei katni da em boon ki Scheme ka sorkar pyrdi wa da pynkrehkaam wei da em hadooh 10 ngut ki CDPO kiwa pait ya ar tylli ki kaam heijooh i por wei da man ko ka yukit wa khia bha ya ki.
Kamtæ da tyrwa ka chnat Social Welfare wow pyndap ya kini ki kaam wa lait deiwa thung kreh daka Contractual Basis.
