Ka seiñ Ri-Jaiñtia Youth Federation RJYF-CB ynnin ka 8 tarik da pynkha ko yaka chnat krehkaam wa thymme haka chnong Chyrmang kawa tip kam ka RJYF-Chyrmang Unit, hapoh i yahkhmat yong u President, General Secretary yong ka Central Body waki dkhot yong ka seiñ.
Ha kani ka sngi yaka yalang da pynlai da u M. Laloo, Vice President yong ka seiñ katwa ya ki ktien pdiang burom da e da u Yoobiang Shylla uwa na ka chnong Chyrmang wei da yoh leh yei klam na u Wanbiang Pulang, Secretary ka KNGCSU, na u General Secretary yong ka RJYF u Ebormi Pale wa na u President yong ka seiñ u R.K. Ram Rymbai uwa da ong wa i kaam kreh seiñ toh i kaam kreh mon sñiawbha wow chakri yaka ri waka jaitbru yong i khlem iwon iwon i su, tangwa da i mynsien wow chakri yaki para jaitbru yong i, la ha i liang i roi i paar næ haka liang i chah ieh beiñ haka sorkar wow pait wow kyntu yaki khon khynroo khyllood yong i haki kaam wa bha neibynta ka ri wa ka jaitbru ka yong i.
Da kitbok kitrwiang u leh ya kani ka Unit wa thymme wow kreh hok ya i kaam da i akor i burom khnang wa kiwon kiwon ki thong wakreh ki u man ki kiwa jop wei kiwa e myntoi yaka imlang sahlang.
Kiwa kitkaam kani ka Unit man ki kamni ha wah:
President: Yoobiang Shylla
Vice President: Shibormi Lakiang
Secretary: Rimiyoo Shylla
Assistant Secretary: Kamni Lakiang
Organising Secretary: Ram Shylla
Finance Secretary: Jammiki Dkhar
Sports Secretary: Ram Talang
Assistant Secretary: Wantamiki Shylla
Deilang wa ki Executive Member.