Shillong: Ka District Magistrate ka East Khasi Hills da pyntip ko wa hadien wa da dep wow leh yei booddien ya kiwa em hei maa na u COVID-19 kamjooh da yoh leh yaki Test yong ki (High Risk Contacts) ha Laitkor Nongdaneng wa Laitkor Rngi.
Ka District Magistrate, East Khasi Hills District haka hukum wa pynmih haka 9th August, 2020 da pyntip wa da pyndam yaka hukum pynman Containment Area ya ki yung ka Kledis Mawrie, ka Wandalin Lyngdoh wa u Jokistar Kharkongor ha Dong Lad Demthring, Laitkor Nongdaneng. Ki yung ka Risuklin Kharumnuid ha Dong Mawlong, Laitkor Nongdaneng. Ki yung ka Biola Mawrie hadooh i yung ka Kwini Mawrie waka Persilina Mawrie ha Dong Nongmadan, Laitkor Rngi.
Ha kawi won ka hukum ka District Magistrate wa pynmih haka August 9, 2020 hadien wa da dep leh yeiwa emkaam heiyatoh wa kiwa em hei maa na u COVID-19, da pyndam yaka hukum pynman Containment Area ya ki yung (Buildings) ka Kristina Kharkongor, Pangsngiat Syiem, Armillian Syiem waka Syrpailin Kharir, Circle I, Mawpat wa ki yung (Buildings) ka Baleisha Pyngrope wa i yong ka Pulsylinda Marbaniang, Circle III, Mawpat, da pyndam noh ya kani ka hukum nadooh ka 9th August 2020.