U DHS (MI) ka jylla Meghalaya u Dr. A. War da pyntip u wa kiwa dang yoh COVID-19 ynne ka 14 tarik hadooh 1 waje i sngi da em ki 35 ngut katwa kiwa chait da em ki 34 ngut.
Kiwa dang yoh thymme toh hapoh East Khasi Hills (14), South West Garo Hills (1) wa ha West Garo Hills (20).
Ha East Khasi Hills 7 ngut toh ki bru paidbah wa 7 ngut ki BSF, ha South West Garo Hills 1 bru paidbah, ha West Garo Hills 16 ngut ki BSF wa 4 ngut ki bru paidbah.
Ki bru paidbah wa dang yoh thymme ha East Khasi Hills toh 1 wa liwan na Haryana, 1 Staff Nurse na Civil Hospital Shillong, 1 wa chitom SARI na Mawbah Barapathar, 3 ngut ki High Risk Contact kiwa na Mawlai Nongkwar kiwa lai cha NEIGRIHMS, 1 wa yabi na Rilbong wa ym em lai cheiwon cheiwon wei dang booddien yow tip neiwon yoh u.
Ha West Garo Hills 3 ngut toh kiwa na Phulbari CHC kiwa da chem lyngba ka Random Testing wa 1 wakreh (Helper) ha Corona Care Centre Walbagre katwa ha South West Garo Hills toh wa liwan na Assam.
Na kiwa dang chait, 31 ngut toh kiwa na East Khasi Hills (22 ngut ki bru paidbah, 8 ngut ki BSF wa 1 na kiwi ki chnat chipai), ha West Garo Hills toh 2 ngut ki BSF wa ha East Jaiñtia Hills 1 bru paidbah.
Kiwa dang em COVID-19 ha ki District man ki kamni ha wah:
East Khasi Hills- 419 (263 ngut ki bru paidbah, BSF-85 wa 71 ngut na kiwi ki chnat chipai)
West Khasi Hills: 3
South West Khasi Hills: 1
Ri Bhoi: 83
West Jaiñtia Hills: 16
East Jaiñtia Hills: 5
West Garo Hills: 102
South West Garo Hills: 3
South Garo Hills: 3
North Garo Hills: 6
East Garo Hills-0
Waroh kiwa dang em ya uni u khñiang da em ki 641 ngut, kiwa chait 581 ngut wa 6 ngut kiwa yap iwa da poi waroh 1,228 ngut kiwa da dep yoh COVID-19 hapoh ka jylla. Kiwa chait da em ki 47.31%.
Ki nongmuna kiwa da dep phah Test da em ki 42910 tylli, kiwa man Negative 41425 ngut wei dang yang yaka Result ki 257 ngut.
Kiwa da liwan chapoh ka jylla da em ki 27767 ngut.