Katkam wa pyntip ki pulit, haka 27 tarik uni u bnai, u Nengrim Sangma da ujor u pyrchah ya arngut ki bru wa kynthup ya u Manoj Singh wa u Umesh Kumar Thapa uwa jooh man kam u Branch Manager ka UCO Bank kiwa pynbor ya u Sangma (uwa ujor) wow chim yaka ram (Loan) wa T. 9 lak.
Haka 24-11-2017 da yoh yaka Loan kawa da psiah hapoh ka Account hadien wa su T. 2 lak kam ka Security Deposit.
Hadien 3 sngi, u Umesh Kumar Thapa da phone u ya uwa Sangma yow e cha oo T. 5 lak wa emkaam u wow thied thaw ha Shillong.
Haka 28-11-2017 da soi suskular u Sangma wa u Manoj Singh (u Agent u Thapa) deiwa kular wow su ya kani ka ram deilang waka sut wa T. 2 lak.
Ha u Khonchonglad (November) 2019, u Sangma da chem u wa ya kani ka Loan ym em su yaka wei da lai yachem u wa u Umesh Kumar Thapa, uwa ha itu i por man u kam u Branch Manager ka UCO Bank boonsien tangwa kyntait biat u oo.
Ini wa da dep da yoh u Sangma yaka Notice naka UCO Bank chaphang ka poisa wa T. 9,03,000. Ha ini da sñiawthooh u wa u Manoj Kumar deilang wa u Umesh Kumar Thapa da chukor ki oo.
