U DHS(MI) ka jylla u Dr. Aman War da pyntip u wa ynne ka 3 tarik, kiwa dang yoh COVID-19 ha Meghalaya da em ki 109 ngut katwa kiwa dang chait da em ki 75 ngut.
Na kiwa dang yoh thymme, ha East Khasi Hills da em 78 ngut (chipai-10, paidbah-68), West Garo Hills 15 (chipai-8, paidbah-7), West Jaiñtia Hills 1, Ri Bhoi 13, South Garo Hills 2.
Kiwa dang chait da em ha East Khasi Hills 58 (chipai-38, paidbah-20), West Khasi Hills 1, West Garo Hills 12 (chipai-11, paidbah-1), North Garo Hills 4.
Kiwa dang yoh thymmai ha East Khasi Hills da em 63 ngut kiwa man kam ki High Risk Contact kiwa na Mawlai Nonglum, Nongmensong, Laban, Reserve, Mawbah, Wahthapbru, Anjalee, Jhalupara, Demseiniong, Jailroad, Laitumkhrah, Langkyrding, Bishnupur, Nongumlong, Nongthymmai, Happy Valley, Golflink, Paltan Bazar, Stand Jeep, Dhankheti. 2 ngut kiwa chitom ILI, 1 SARI, 10 ngut ki chipai, 2 ngut ki wakreh ha i chait i khiah kiwa lai phah Test pyn ya idæ ha Police Bazar.
Ha Ri Bhoi wown kiwa dang yoh toh 1 wa chitom ILI, 6 ngut kiwa liwan na baar jylla wa 6 ngut ki High Risk Contact. Ha West Garo toh 6 ngut ki High Risk Contact, 1 wa liwan na baar jylla, 8 ngut ki chipai. Ha West Jaiñtia Hills 1 wa yah Truck wa ha South Garo Hills leh 2 ngut kiwa yah Truck.
Kiwa dang em COVID-19 ha ki District man ki kamni ha wah:
East Khasi Hills: 833 (chipai-173, paidbah-660)
West Khasi Hills: 44
South West Khasi Hills: 0
Ri Bhoi: 84 (chipai-8, paidbag-76)
West Jaiñtia Hills: 3
East Jaiñtia Hills: 23
West Garo Hills: 121 (chipai-75, paidbah-46)
South West Garo Hills: 3
South Garo Hills: 21 ( chipai-11, paidbah-10)
East Garo Hills: 83
North Garo Hills: 5
Waroh kiwa dang em ya uni u khñiang da em ki 1220, kiwa chait 1393 ngut wa 13 ngut kiwa yap.
Ki nongmuna kiwa da dep phah Test da em ki 93817 tylli, kiwa man Negative namo kiwa ym em chah ktah da em ki 90516 tylli wei dang yang yaka Result ki 675 tylli.
Kiwa psiah chapoh ka jylla da em ki 33009 ngut.
