Ki MP ka Rajya Sabha kiwa dang chah jied da baam smai ki ynne ka janmiet heipor wa sdang ka dorbar ka Rajya Sabha.
Ka Rajya Sabha da yalang ko hapoh i pynlai u Vice-President u M. Venkaiah Naidu.
U Ajit Kumar Bhuyan, MP na Assam da chim u yei smai hei ktien Assamese heiwa u Naidu da phah u ya oo wow deiñu yaka Mask heipor wa chim u yei smai.
Ka Phulo Devi Netam da chim ko yei smai kam ka dkhot ka Rajya Sabha hei ktien Hindi heiwa ka toh kawa chah jied na Chhattisgarh.
U MP ka JMM u Shibu Soren na Jharkhand leh da baam smai u, uwa dang chait na u COVID-19.
U MP ka LJD u Shreyams Kumar na Kerala da baam smai u hei ktien English.
Ka Dr. Fauzia Khan naka NCP, Maharashtra da chim u yei smai hei ktien Marathi.
U MP ka NPP u Dr. Wanweiroy Kharlukhi na Meghalaya da chim u yei smai hei ktein English.
U MP ka DMK u N.R. Elango na Tamil Nadu da chim u yei smai hei ktien Tamil. Da pynbood ya oo da u MP ka DMK u Anthiyur P. Selvarasu wa u Tiruchi Siva kiwa da chim yei smai ha ktien Tamil.
U K. Kesahva Rao ka TRS na Telangana da chim u yei smai hei ktien Telugu. U K.R. Suresh Reddy leh uwa naka TRS da chim u yei smait hei ktien English.
Ha ini i por wa chim yei smai, u Naidu da pynkynmoo u yaki dkhot wym toh u ieh ki yei thaw chong yong ki yow lai yaklam wa kiwi ki dkhot ha waroh ki por wa pynman ya kani ka Monsoon Session.
U Syed Zafar Islam ka BJP na Uttar Pradesh da chim u yei smai hei ktein Hindi. Da pynbood ya oo da u Jaiprakash Nishad uwa man leh naka jooh ka party waka jylla.
Ka MP ka AITC ka Arpita Ghosh na West Bengal da chim ko yei smai hei ktien yong ka hei ktien Bengali. Da pynbood yaka sa u Dinesh Trivedi uwa naka jooh ka Party uwa chim yei smai hei ktien Hindi.
Kiwa boon ki dkhot thymme da chim ki yei smai hei ktien yong ki hi.
