Jowai: Ka seiñ Hynniewtrep Youth Council, Laskeiñ Block Circle hapoh i yahkhmat u R. Lamare, General Secretary HYC Jaiñtia Hills ynne ka sngi da lai e yarap poisa ko T. 10,000 cha ka NEIMA ka thaw ri khonswet wa em ha Sahsniang, West Jaiñtia Hills District.
Ha kani ka sngi da em leh ka yalang tbian wa pynlai da u Pastor B.D. Shangdiar uwa pait leh ya kani ka thaw ri khonswet.
Neiliang u President ka HYC Laskein Block Circle u Wympher Suchiang hawa e yei klam da ban joor u cha ka sorkar wa toh u e yarap cha katai ka thaw ri khonswet neibhah wa dang em ko chiboon i duna.
U R. Lamare won ong u wa nadooh i por u Dr. D.D. Lapang wym em de ki bor sorkar wa lai pait ya kani ka thaw, katwa kamtæ kyntu u yaki bor wa toh u pait wow leh ki iyi re iyi neibynta kani ka thaw khnang waki bru wa pait wa sumaar yaki khonswet u ye ki wow pyllai bait yei kaam.