Shillong: U Montri wa pait yaka chnat PWD (Roads) uwa man leh ha i jooh i por u Symbood Montri Rangbah ka jylla, u Prestone Tynsong da pynksan u yei e wow kreh ya ka sarok da ka Dhar Construction Company toh neidaw wa ki toh kiwa na ka jylla Meghalaya wei kiwa tip leh wow kreh yei kaam.
Kam wow kdaw heini, ka Public Works Department (PWD) da chah pynbaad ko wa hap ko wow pyndem ha ki bru wa em ha i bor yow e yei kreh chna sarok Laitkor-Pomlakrai-Laitlyngkot kawa jrong 11.52 km wei kawa da poi cha ka T. 30 klur cha ka Company kawa mantre da kiwa ha yung yong u Montri ka sorkar jylla khlem da burom de ya ki kyndon.
U Tynsong da kubur u wa ka PWD da e ko ya ki Work Order cha ka Dhar Company neidaw wa toh kawa da tipmit bha hapoh ka jylla neidaw wa da kreh ki boon ki kaam, deiwa pynksan leh wa ka PWD da tipmit bha ko ya ka Company hanla ym pu em pynbiang mynkna ko ya ki kot ki sla neibynta katai ka Project, da ong u wa kani ka Company toh kawa da kot bor hei em poisa wow kreh ya ini i kaam.
Da pyntip u leh wa kiwa paan wow kreh ya katai ka Project chna sarok em ki kamwa 6-7 kynhun kiwa da biang nadong chadong iwa emkaam wei i jied ya ka Company toh hapyrdi i mihkhmat yong waroh ki Company ya iwa da leh da ka Tender Committee.