15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Daw wanrah ka sorkar da ki aiñ wow pynchitom ya kiwa emkti pynyap du deiwa suba sih

Advertisement ad1
Advertisement ad1

Shillong: U Symbood Montri Rangbah ka jylla, u Prestone Tynsong da ong u wa ka sorkar da bichaar bha ko yei mih ki kaam pynyap du nei suba sih næ kiwa e ksuid kawa da wanrah ya ki jia wa sñiawsih, wei pynyoo ko leh yei emkaam ya ka sorkar jylla wow wanrah noh da ka aiñ wow kdoh u khoom syndon ya kam kini ki kaam pyrchah aiñ yow lait ki u jia de.

Da ong u wa ka sorkar daw hap ko wow wanrah noh da ka aiñ wa thymme ya kam kini ki kaam wym man, wei pynsñiaw leh wa man ko iyi iyi wa sñiawsih wa kam kini da jia ki wei dang pteiñ ki hadooh katni wow chim yei mynsien bru du neidaw wa suba sih.

Advertisement ad1

U Prestone da klam u ya ini hadien wa da mih i chah pynyap yong u Moris Marngar pyn ha ki pyrsa yong oo hi deiwa tlep im neidaw wa suba toh uwa e ksuid iwa da jia ha ka chnong Nongdisong, West Khasi Hills District.

Hawa yatoh wa ini i jia da ong u wa ka aiñ em ko wei daw e ko ya i rai pyrchah ya kitu ki bru kiwa da leh ya ka kaam pyrchah aiñ hadooh wow chim syndon yei mynsien bru.

Share this:
Previous

Kular u Lahkmen ya ka KJDSTA wow su langær ya ka tulop kiwa sikai

Next

Pynche u Montri ka PWD yei e chna sarok wa T.30 klur cha ka Dhar Company