Ka chnong Raliang lyngba u Waheh Chnong da yaroh ko ya ka e sikai namo ka Training Program kawa pynman da ka chnat Horticulture Laskeiñ Block kawa da emlang ka H. Lakiang, HDO wa u D. Lyngdoh, HDO.
Ha kani ka e sikai da pynyoo kammon wow chna sboh, wow chna dawai khñiang kamjooh wow diang ya ki thawalieh, ki khñiang kiwa baam ya iwa thung ha ki kpær.
Neiliang ka chnong dap ko dei mynsien wa kmen hawa yoh ki ya ini i chah hikai iwa da e myntoi bha ko ya ki warep hapoh ka chnong.
Ha kani ka e sikai da wan wow chimbynta da ki SHG yong ka chnong kamjooh wa ki Executive Member ka chnong.
Ka chnong da e khublei kyrpang ko ya ka chnat Horticulture wa em ko i bynta wa khia wow pait u sylli wow yarap yaki warep wow e sikai kawa emkaam bha ha ka juk wa katni.
