15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

U chah noh u wai waroh ki yaw wa em ha khappood

Advertisement ad1

Nadooh wa sdang ka Lockdown ka khayi pateiñ leh da man ko kawa sangeh lada man ko kawa hapoh ki chnong, ki District, ki jylla wei wot hadooh leh hapyrdi ki ri, tangwa ha kani ka kynti katwa dang sdang chah ka sorkar wow wai biang i khayi, da rai leh ynne ka sngi wow chah wow sdang biang yei khayi wa chisien chi tayaw khamtam ha ki thaaiñ palatsor, ki thaw khappood wa em wa kiwi ki jylla kamjooh wa kiwi ki ri.

Hawa pyntip ya ini, neiliang u symbood montri rangbah u Prestone Tynsong da ong u wa ka sorkar da phah ko ya ki Deputy Commissioner wow pynkrehkaam ya ki kyndon namo ki SOP kamwa da booh ka chnat i chait i khiah yow wai noh syndon ya kini ki yaw nadooh ka 26 tarik uni u bnai.

Advertisement ad1

Ha iwi tawon i liang, da pyntip wa hadien wa da sñiaw yei pyrchah hajrong i chah kem u Fr. Stan Swamy, neiliang u Prestone da pyntip u wa u Montri Rangbah ka jylla, u Conrad K Sangma da yaklam u wa u Amit Shah kamjooh leh ya u Home Secretary ka Sorkar India.

Kam wow kdaw heini, ka National Investigation Agency ha kani ka tayaw wa dadep da kem ko ya u Fr. Stan hajrong i pynbaad wa emkti u yeiwa jia ha Bhima Koregaon ha u snem 2018.

Share this:
Previous

Da i yakob chet baam tynre lehkmen ka SURE yaka World Food Day

Next

Yaroh ka chnong Raliang yaka chnat Horticulture