Daw wan u heh ka BJP yow pynkut noh ya i thma ktien hapyrdi ka BJP wa MDA

Shillong: Uwa yahkhmat ka BJP ha ka jylla uwa man leh u Montri ha ka sorkar Meghalaya Democratic Alliance (MDA), u AL Hek ynne ka sngi da ong u wa ha ka sorkar synrop ym jooh em iwa ye wow ong wa daw kyntait næ ym emkaam de wow khut ya kiwa yahkhmat ka Party wa ya krehlang ha ka sorkar cha ka Coordination Committee.

Ini i ong u Hek toh hadien wa u President ka NPP Meghalaya, u Dr. WR Kharlukhi da pynsñiaw u wym khut de ya kiwa yahkhmat ka BJP cha ka Coordination Committee neidaw wa sarong palat kiwa yahkhmat.

Uwa yahkhmat ka BJP uwa man leh u MLA wa da lai cha ka 25 snem na Pynthorumkhrah, da ong u wa ym jooh em ha kawon kawon ka sorkar nadooh kiwa yahkhmat kiwa da ya krehlang u nachwa kam ki Montri Rangbah wa lai lait næ wym emkaam wow khut ya kiwa yahkhmat yong ki Party wa synrop ha ka sorkar, deiwa pynrap leh wa i klam yong u President ka NPP ym ye ko wow man neibhah ka BJP dang toh ka bynta hapoh ka sorkar.

Hawa yatoh wa u General Secretary ka UDP, u Dr. Jemino Mawthoh uwa ong wa ym emkaam ya ka BJP ha ka sorkar MDA, u Hek da ong u wa man ko iwa bakla neibhah ha ka Politics ym em kiwa yachoon sah næ kiwa yaman lok bait, tangwa iwa emlang toh yow man kawi ka thong neibynta wow pynbha ya ka jylla waroh kawi.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Da ong u wa ye wow em i yaklam na kiwi ki seiñ saiñpyrthai, tangwa itæ i kaam ym toh iwa eh neibhah wa waroh ki seiñ saiñpyrthai em ki i yong ki hi rukom pyrkhat næ rukom krehkaam wei neiliang ka BJP i thong hi toh neibynta wow kyntu ya ka jylla ha i roi i paar deiwa wanrah leh ya ki bhah wa toh u yoh na ka sorkar India neibynta ka jylla.

Hawa yatoh wa i pteiñ i thma ktien hapyrdi ka BJP, itæ u Ernest Mawrie wa u Bernard Marak pyrchah ya ka sorkar MDA, u Hek da ong u wa ha i manbru lada klam palat daw em bait i ktah, tangwa katwa dang ya krehlang toh u buromlang markylliang, heiwa da kyntu u ya waroh ki seiñ saiñpyrthai kiwa em ha ka sorkar MDA wow burom markylliang.

Ha i jooh i por u Hek da pyntip u wa ka BJP ha Meghalaya da dep ko wow pyntip ya kini ki wym ya sñiawthooh cha u National Vice President uwa toh u pait ya ka jylla Meghalaya, u Dr. M. Chuba Ao uwa daw wan mynstep ka sngi wow pynbait ya i wym ya sñiawthooh deiwa pynkut noh leh i thma ktien hapyrdi kiwa yahkhmat ka BJP wa ka sorkar MDA neibynta wow pynbha ya ka jylla.